ހިންގުން ބޮއްސުންލައިފައިވާ ތެލެސީމިއާ ސެންޓަރަށް ހާލަތު ބައްލަވަން ރައީސް ވަޑައިގެންފި

Loading

Facebook
Twitter
WhatsApp

ތެލަސީމިއާ ސެންޓަރުގެ ހިދުމަތްތައް ގޯސްވުމުގެ ސަބަބުން، ރޭ ކުރި މުޒާހަރާ އާއި ގުޅިގެން ރައީސް ޑރ. މުހައްމަދު މުއިއްޒު މިއަދު ހެނދުނު އެ ސެންޓަރަށް ވަޑައިގެން އެ ތަނުގައި މިވަގުތު ހުރި މައްސަލަތަކުގެ މައުލޫމާތު ހޯދައިފިއެވެ.


މުޒާހަރާ ކުރަން ނިންމި ސަބަބަކީ، އެ ތަނުގެ ވެރިންނާ، މޯލްޑިވްސް ބްލަޑް ސާވިސަސް (އެމްބީއެސް) އެކު ތެލަސީމިއާ އަށް ފަރުވާ ހޯދަމުންދާ ބަލި މީހުންނާއި ބޭއްވި ބައްދަލުވުމަކަށް ފަހު، އެއްވެސް މައްސަލައަކަށް ހައްލު ނުލިބޭ ކަމަށް ބުނެ އެވެ.
ރައީސް އޮފީހުގެ އޮފިޝަލަކު ވިދާޅުވީ، އެ ކަންބޮޑުވުންތަކާ އެކު، ރައީސް މުއިއްޒު މިއަދު ހެނދުނު ތެލަސީމިއާ ސެންޓަރަށް ވަޑައިގެން އެ ތަނުގައި ތިބި މުވައްޒަފުންނާއި މިވަގުތު ތިބި ޕޭޝަންޓުންގެ ކަންބޮޑުވުންތައް ވެސް އަޑުއެއްސެވި ކަމަށެވެ. އެގޮތުން ހުރިހާ ޑިޕާޓްމަންޓުތަކަށް ވަކިވަކިން ވަޑައިގެން ހާލަތު ބެއްލެވި ކަމަށް އޮފިޝަލް ވިދާޅުވި އެވެ.
”އާއިލާތަކުން ފާޅުކުރެއްވި ކަންބޮޑުވުންތަކަށް، މިހާރުން ފެށިގެން ހައްލު ކުރެވެން ހުރި ހުރިހާ ކަމެއް ހައްލު ކުރުމަށް ކަމާ ގުޅޭ އިދާރާތަކުގެ ވެރިންނާ މަޝްވަރާ ކުރައްވައިގެން ފިޔަވަޅު އަޅަން މިހާރު ވަނީ ފައްޓަވާފައި،“ އޭނާ ވިދާޅުވި އެވެ.
މުޒާހަރާގައި އެ މީހުން ފާހަގަ ކުރި ބައެއް މައްސަލަތަކުގެ ތެރޭގައި ލޭ އެޅުމުގައި ބައެއް ޕެކެޓުތައް ގޯސްވުމުގެ ސަބަބުން އަވަސް އަވަހަށް ފިލްޓަރު ބަދަލުކުރަން ޖެހި އިސްރާފުވާ މައްސަލަ ހިމެނެ އެވެ.
”އަލަށް ގެނެސްގެން އުޅޭ ފިލްޓަރުތަކުގައި މައްސަލަ ގިނަ. ގިނަ ދުވަހުން ލޭ މި ލިބެނީ. ހާއްސަކޮށް ރޯދަމަހު، ކޮންމެ އަހަރަކު ވެސް އެ ގޮތަށް، ލޭ ލިބުން ވަރަށް ދަތި މަހެއް. ފިލްޓަރު މައްސަލަ ޖެހިގެން ލޭ އުކާލަން ޖެހޭ ވަރު ވެސް އިތުރު ވަނީ،“ ސެންޓަރުން ފަރުވާ ހޯދަމުން އަންނަ ކުއްޖަކު ބުންޏެވެ.
ލޭ ލިބުމުގައި ހުރި އުދަނގޫތައް ފާހަގަކޮށް، އޭނާ ބުނީ ސެންޓަރު ވެރިންގެ ފަރުވާ ކުޑަކަމުން ލޭތައް އުކާލަން ޖެހުމަކީ ވަރަށް ދެރަ ކަމެއް ކަމަށެވެ.

Loading

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް