ހެޔޮ ނިޔަތުގައި ކުރަން އުޅުނު ކަމެއް ލަދުވެތިކަމަކަށް ބަދަލުވެއްޖެއެވެ.ރަމަޟާން މަހަށް ހަދިޔާއެއް ދިނުމުގެ ގޮތުން، ރައީސް ޑރ.މުޙައްމަދު މުޢިއްޒުގެ ސަރުކާރުން ގޭބިސީތަކަށް މަސްދަޅު ކޭހެއް ދޭން ވަނީ ވަޢުދުވެފައެވެ.މިއީ ކުޑަ ނަމަވެސް ރަމަޟާން މަހުގައި ބުރަކަން ލުއިކޮށްދިނުމަށް ދިން ރަމްޒީ ހަދިޔާއެކެވެ. އެހެންނަމަވެސް، މިއަދު މާލޭގެ މަގުތައް ވަނީ ހަލަބޮލިކަމުން ފުރިފައި: ދޮށީ އުމުރުގެ މީހުންނާއި ނުކުޅެދުންތެރިކަން ހުންނަ ފަރާތްތައް ޑިގްނިޓީއާއެކު ދޭންޖެހޭ އެއްޗެއް ހޯދުމަށް ނިޒާމެއް ނެތް، ދިގު ކިޔޫތަކެއްގައި ގަޑިއިރުތަކެއް ވަންދެން މަޑުކުރަންޖެހުނެވެ.

ފެނުނު މަންޒަރުތަކަކީ ހިތްދަތިވާފަދަ މަންޒަރުތަކެއް. ބައެއް ދޮށީ އުމުރުގެ މީހުން، އަދި ނުކުޅެދުންތެރިކަން ހުންނަ ފަރާތްތައް އެއްވެސް އިސްކަމެއް ނުދީ، ހިޔާ ނުދީ، އަދި އޮފިޝަލުންގެ ސާފު އިރުޝާދެއް ނެތި ހޫނުގައި ކޮޅަށް ތިބެންޖެހުނު. ”މިއީ ރަމަޟާން މަހަށް ދެވޭ ހަދިޔާއެއް ކަމަށް ބެލެވެނީ، އެކަމަކު މިއީ އަދަބެއް ކަހަލަ އިޙްސާސެއް“ ހަސަން އިބްރާހީމް، 72 އަހަރުގެ ރިޓަޔަރވެފައިވާ ބޭފުޅެއް ތިން ގަޑިއިރަށްވުރެ ގިނައިރު ކިއޫގައި މަޑުކުރި ބޭފުޅަކު ވިދާޅުވިއެވެ. ”އަޅުގަނޑުމެންނަށް ދޭންޖެހޭ އިޙްތިރާމް ކޮބާ؟ ޕްލޭނިންގ ކޮބާ؟“ އެކްސްގައި ޕޯސްޓް ކުރި ޕޯސްޓްތަކުން އޭނާގެ ޖަޒުބާތުތައް އޮއްސާލި، އަދި އެހެން މީހެއް ބުނީ ”ދޮށީ އުމުރުގެ މީހުންނާއި ނުކުޅެދުންތެރިކަން ހުންނަ ފަރާތްތައް، ސަރުކާރަކުން ދޭ ރަމަޟާން ހަދިޔާއެއް ހޯދުމަށް ކިއޫތަކުގައި ވޭން އިޙްސާސް ކުރަމުންދާ ގޮތް ފެނުނުކަމަށް“
މިއީ ހަމައެކަނި ނިންމުނު ކަންތައްތައް ގޯސްވުމެއް ނޫން – މިއީ އަސާސީ ކަންކަންވެސް ރަނގަޅަށް ކުރަން ނޭނގޭ ސަރުކާރެއްގެ ލަދުވެތި މިސާލެއް. ރަމަޟާން މަހަކީ ރަޙުމާއި ކުލުނާއި އޯގާވަންތަކަން ދައްކަންވީ މަހެއް، އެކަމަކު މުޢިއްޒު ސަރުކާރުން ދައްކާފައެއްނުވޭ. ރަޖިސްޓްރޭޝަން ނިޒާމެއް ހުށަހަޅާފައެއް ނުވޭ، ނުކުޅެދޭ ފަރާތްތަކަށް ގެއަށް ފޯރުކޮށްދިނުމުގެ ޚިދުމަތެއް ހަމަޖައްސާފައެއް ނުވޭ، އަދި އެފަދަ އެހެން ފަރާތްތަކަށް އިސްކަމެއްވެސް ދީފައެއް ނުވެއެވެ.
ފާޑުކިޔާ ފަރާތްތަކުން ފާހަގަކުރަނީ މިއީ ރައީސްގެ މައްސަލައެއް ކަމަށް:އެގޮތުން އެކުވެރިކަން ނެތް ކަމަށާއި ސަރުކާރުން ވަޒީފާތަކާއި ބަޖެޓްތައް ކުޑަކުރަމުން ދިޔަނަމަވެސް، އޭގެ ރައްޔިތުންނަށް ބޭނުންވާ ނިޒާމުތަކަށް އިންވެސްޓްކުރަން ނޭނގޭ ކަމަށާއި ސަޤާފީ އަދި ދީނީ އަގުތަކަށް ފަޚުރުވެރިވާ ސަރުކާރަކަށް ރަމަޟާންމަހުގެ ދީލަތިކަން އާންމު ނިކަމެތިކަމަކަށް ބަދަލުވިޔަ ނުދޭނެކަން އެނގެންޖެހޭނެ ކަމަށް ބައެއް ފަރާތްތަކުން ބުނަމުން ދެއެވެ.
މީގެ އިތުރުން ބައެއްް ފަރާތްތަކުން ބުނަމުން އަންނަ ގޮތުގައި މި ސަރުކާރުން މި ހާދިސާގެ ޖަވާބު ދޭންޖެހޭ ކަމަށާއި ރަމަޟާން ހަދިޔާއަކީ ދެރަކުރުވުމުގެ ބަދަލުގައި އުފާވެރިކުރުވާ އެއްޗަކަށް ވާންޖެހޭނެ ކަމަށާއި ހަދިޔާތައް ދިނުމަކުން ނުފުދޭނެ ކަމަށާއި ފޯރުކޮށްދިނުމުގެ ގޮތްވެސް މުހިންމު ކަމަށެވެ. ހަމައެހެންމެ އަނެއް ބަޔަކު ބުނަމުން އަންނަ ގޮތުގައި ދޮށީ އުމުރުގެ މީހުންނާއި ނުކުޅެދުންތެރިކަން ހުންނަ ފަރާތްތަށް ނުރަގަނޅަށް ހިންގާ ޕީއާރް ސްޓަންޓެއް ގައި ޖެއްސުމަށްވުރެ ރަނގަޅު ކަމެއް ޙައްޤުވެގެންވެއެވެ. އަދި އަނެއް ބަޔަކު ސުވާލު އުފައްދަމުން އަންނަ ގޮތުގައި މަސްދަޅު ކޭހެއް ބެހުންފަދަ ލުއި ކަމެއްގައި ކަރާމާތްތެރިކަން ހިފެހެއްޓުން ނެތްނަމަ، ކުރިއަށްއޮތް ބޮޑެތި ގޮންޖެހުންތަކަށް އޮތީ ކޮން އުންމީދެއްތޯ؟

ނަމަވެސް އާންމު ރައްޔިތުންގެ ބޮޑެތި ފާޑުކިޔުންތައް އަމާޒުވަމުން ދިއުމާއެކު މަސްދަޅުކޭސް ބަހަން ފެށިތާ އެއްދުވަސްފަހުން ސަރުކާރުން ވަނީ މިއަދު ކިއޫގައި ހުންނަން ނުޖެހި އޮންލައިން ޓޯކަންއަކަށް މަސްދަޅުކޭސް ނެގޭނެ އިންތިޒާމު ހަމަޖައްސާފައެވެ.މީގެ އިތުރުން މިއަދުން ފެށިގެން މާލެ ސަރަހައްދުގެ 13 ތަނަކުން މަސްދަޅުކޭސް ލިބޭނެ އިންތިޒާމު ވަނީ ހަމަޖައްސާފައެވެ.