ރާއްޖެއަކީ މިހާރު މިނިވަން ގައުމެއް ނޫން ކަަަަމަށް ކުރީގެ ރައީސް ޔާމީން ޢަބްދުލްޤައްޔޫމް ރޭ ވިދާޅުވެއްޖެއެވެ.
ޕީއެންއެފްގެ ފްރޮންޓް އޮފީހުގެ ޖަލްސާގައި ވާހަކަފުޅު ދައްކަވަމުން ޔާމީން ވިދާޅުވީ ރާއްޖޭގެ ދުސްތޫރުގައި މިއީ މިނިވަން ގައުމެއް ކަމަށް ބުނި ނަމަވެސް، ރާއްޖޭގެ ޚާރިޖީ އަދި ދާޚިލީ ސިޔާސަތު މިނިވަނެއް ނޫން ކަމަށެވެ.
ސަަބަަބަކީ ރާއްޖެއަކީ މިނިވަން ގައުމެއްނަމަ ރާއްޖޭގައި އިންޑިއާގެ އަސްކަރިއްޔާ ނުތިބޭނެ ކަމަށެވެ.
“މިތަނަކީ މިނިވަން ގައުމެކޭ ބުނެވިދާނެ. އެކަމަކު މިއީކީ މިނިވަން ގައުމަކަށް މިހާރު ނުވޭ އިނގޭތޯ! ރާއްޖެއަކީ މިހާރު މިނިވަން ގައުމެއް ނޫން.“
ކުރީގެ ރައީސް ޔާމީން ވަނީ “އިންޑިއާ އައުޓް“ ކެމްޕޭނާއި ފެޔަށް ޖެހިވަޑައިގަތުމަށް، ފޮރިން މިނިސްޓަރު ޑރ. ޚަލީލު ދެއްކެވި ވާހަކަތަކަށް ވެސް ރައްދު ދެއްވާފައެވެ.
ޔާމީން ވިދާޅުވީ އިންޑިއާ އައުޓް ކެމްޕޭނަކީ އެމަނިކުފާނު އިސްވެ ހުންނަވައިގެން ފެށި ކެމްޕޭނެއް ކަމަށާއި، އެ ކެމްޕޭނުގައި މި ސަރުކާރުގައި ތިބި އިސް ފަރާތްތަކުން އޭރު ބައިވެރިވެވަޑައިގަތީ އެއްވެސް މަޖުބޫރު ކަމެއްނެތި ކަމަށެވެ.
މިއަދު މި ކަންކަމުން ފެޔަށް ޖެހިވަޑައިގަންނަވަން މަސައްކަތް ކުރެއްވި ނަމަވެސް އިންޑިއާ ރައްޔިތުން އެ ކަންކަން ހަނދާން ނުނެތޭނެ ކަމަށާއި، މިފަދަ ކަންކަމުން ހާމަވެގެންދިޔައީ ދިވެހި ޚާރިޖީ ސިޔާސަތުގެ އެއްވެސް ހަރުދަނާ ނެތްކަން ކަމަށް ޔާމީން ވިދާޅުވިއެވެ.
