މާލޭ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ.
ފުލުހުން މިއަދު ބުނީ ގަލޮޅުގައި ހުންނަ ގެއެއްގައި ޚަބަރު ހުސްވެފައި އޮތް މީހަކު ފެނިގެން އެ މައުލޫމާތު ރޭ 1:27 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
އެ މީހާ އައިޖީއެމްއެޗަށް ގެންދިޔައިރު ވެސް މަރުވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށާއި، މަރުވެފައި އޮއްވާ ފެނިފައިވަނީ ގ.ބިއުޓީވިލާ، ދާވޫދު ޖިމްރީޒް (45އ) ކަމަށް ފުލުހުން ބުންޏެވެ.
ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.
ގަލޮޅުގައި ހުންނަ ގެއެއްގައި މަރުވެފައި އޮތް މީހަކު އިއްޔެ ވެސް ވަނީ ފެނިފައެވެ. އެއީ ގ.ފްރެސް ލައިޓް ޢަލީ ރަޝީދު (35އ) އެވެ. ފުލުހުން އަންނަނީ އެ މައްސަލަ ވެސް ތަހުގީގު ކުރަމުންނެވެ.
