ވަގަށް ގޯތި ދިން މައްސަލާގައި 20 މީހެއްގެ ޕާސްޕޯޓު ހިފަހައްޓައިފި

Loading

December 20, 2024
profile
Facebook
Twitter
WhatsApp

ބިންވެރިޔާ ސްކީމުގައި ނުހިމެނޭ ބަޔަކަށް ގޯތިތަކެއް ދިން މައްސަލައާ ގުޅިގެން 20 މީހެއްގެ ޕާސްޕޯޓު ހިފަހައްޓައިފިއެވެ.

ފުލުހުން މިއަދު ބުނީ ފުލުހުން ތަހުގީގުކުރަމުންދާ ބިންވެެރިޔާ ހައުސިންގ ސްކީމާ ގުޅުންހުރި މައްސަލައާ ގުޅިގެން ޖުމްލަ 20 މީހުން ފުރުން މަނާކުރުމުގެ އަމުރު ނެރެފައިވާ ކަމަށެވެ.

އޭގެތެރޭގައި ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިންގ ޑިރެކްޓަރު އިބްރާހިމް ފަޟުލް ރަޝީދާއި، އޭނާގެ ބޭބެ އެމްޑަބްލިޔުއެސްސީގެ ޑެޕިއުޓީ މެނޭޖިންގ ޑިރެކްޓަރު މުޙައްމަދު ފަޒީލު ރަޝީދު ހިމެނޭ ކަމަށް ފުލުހުން ބުންޏެވެ.

ބިންވެރިޔާ ސްކީމުގެ ދަށުން ގޯއްޗަށް ޝަރުތު ހަމަނުވާ ބަޔަކަށް އެޗްޑީސީން ގޯތި ދިފައިވާ މައްސަލަ ފެންމަތިވެފައިވާއިރު، އޭގެތެރޭގައި ފަޒީލު ވެސް ހިމެނެއެވެ.

މި މައްސަލައާ ގުޅިގެން އެޗްޑީސީގެ ޗެއާމަން އަޙްމަދު ނާސިފް ފިޔަވައި އެޗްޑީސީގެ ބޯޑުގެ ހުރިހާ މެންބަރުންނާއި، އެމްޑީ ފަޟުލް ވަނީ ސަސްޕެންޑްކޮށްފައެވެ.

މީގެއިތުރުން ފަޒީލު ވެސް ވަނީ ސަސްޕެންޑްކޮށްފައެވެ. މި މައްސަލާގައި އޭނާގެ މައްޗަށް ފޯޖަރީގެ ތުހުމަތުކުރާއިރު، މި މައްސަލާގެ ތަހުގީގުގައި މިހާތަނަށް ސުވާލުކޮށްފައިވާ ހަ މީހުންގެ ތެރޭގައި ފަޒީލު ވެސް ހިމެނެއެވެ.

ފޮޓޯ: މިހާރު

Loading

2 Responses

  1. ސަސްޕެންޑް ކުރެވުނީ ތުހުމަތެއްގެ މައްޗަށް. ފަހުން ހަމަ އެންމެ ހިންގުންތެރި ބޭފުޅުންނަށްވެސް ވެދާނެ.

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް