ޕަބްލިކް ސަރވިސް މީޑިއާ (ޕީއެސްއެމް) ގެ މެނޭޖިންގ ޑިރެކްޓަރު މުޙައްމަދު ސަޢީދު އިސްތިއުފާ ދެއްވައިފިއެވެ.
ސަޢީދު މަގާމުން އިސްތިއުފާދެއްވިކަން ވަނީ ކަށަވަރުވެފައެވެ.
ނަމަވެސް އޭނާ އިިސްތިއުފާ ދެއްވި ސަބަބެއް އަދި ނޭނގެއެވެ.
ސަޢީދު މަގާމުން އިސްތިއުފާ ދެއްވާފައި މިވަނީ ޕީއެސްއެމްގެ ކޮންޓެންޓާ ގުޅޭ މައްސަލަތަކެއް ފެންމަތިވެފައި ވަނިކޮށެވެ. އެއިން އެއް މައްސަލައަކީ ޕީއެސްއެމްއިން ލައިވްކުރި ޖަލްސާއެއްގައި ކީރިތި ޤުރްއާން ކިޔަވަމުންދިޔައިރު، ޤުރްއާނުން ބައެއް އުނިކޮށްގެން ގެނެސްދިން މައްސަލައެވެ.
އޭނާ ޕީއެސްއެމްގެ އެމްޑީގެ މަގާމަށް އައްޔަންކުރީ މިދިޔަ އޮގަސްޓުމަހު ތެރޭގައެވެ.
ސަޢީދު މި މަގާމަށް ހަމަޖެއްސީ އޭގެކުރިން އެ މަގާމުގައި ހުންނެވި ޒީނާ ޒާހިރު މަގާމުން އިސްތިއުފާ ދެއްވުމުންނެވެ.
