ރައީސް ޑރ. މުޙައްމަދު މުޢިއްޒު، ދިވެހިރާއްޖެއިން ތައިލެންޑަށް ކަނޑައަޅުއްވާފައި ހުންނަވާ ސަފީރުކަމަށް، މއ. ތަޅަމުދިގެ، ފުއާދު ތައުފީޤް މިއަދު އައްޔަންކުރައްވައިފިއެވެ.
ފުއާދު ތައުފީގާށް މަގާމުގެ ފަތްކޮޅު ހަވާލުކޮށްދެއްވީ، މިކަމަށްޓަކައި މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައެވެ.
ސަފީރުކަމަށް އައްޔަންކުރެއްވުމުގެ ކުރިން ފުއާދު ހުންނެވީ މިނިސްޓްރީ އޮފް ފޮރިން އެފެއާޒްގެ އެމްބަސެޑަރ އެޓް ލަރޖްގެ މަގާމުގައެވެ.
ފުއާދު ތައުފީގަކީ އިލެކްޝަންސް ކޮމިޝަންގެ ރައީސްކަމުގެ މަގާމުވެސް ފުރުއްވާފައިވާ ބޭފުޅެކެވެ. އޭނާގެ ދައުރު ހަމަވީ މިދިޔަ މަހުގެ 23 ގައެވެ.
