ވިސާ ނެތި 12 އަހަރު ވަންދެން ރާއްޖޭގައި ދިރިއުޅެމުން އަންނަ ފްރާންސް އާއިލާއެއް ފޮނުވާލަނީ

Loading

December 15, 2024
profile
Facebook
Twitter
WhatsApp

ގާތްގަނޑަކަށް 12 ވަރަކަށް އަހަރު ވަންދެން ގަވާއިދާ ޚިލާފަށް ރާއްޖޭގައި އުޅެމުން އަންނަ ފްރާންސްގެ އާއިލާއެއް ފޮނުވާލުމުގެ މަސައްކަތް ކުރަމުންދާ ކަމަށް އިމިގްރޭޝަނުން މިއަދު ބުނެފިއެވެ.

މި އާއިލާ މިހާރު ދިރިއުޅެނީ ތ.ވޭމަންޑޫގައެވެ.

ކޮންޓްރޯލަރ އޮފް އިމިގްރޭޝަން މުޙައްމަދު ޝަމްޢާން ވަޙީދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ދިވެހިރާއްޖޭގެ އިމިގްރޭޝަންގެ ގާނޫނާ ޚިލާފަށް ފަރަންސޭސިވިލާތަށް ނިސްބަތްވާ 6 މީހުންގެ އާއިލާއެއް ރާއްޖޭގައި ދިރިއުޅެމުންދާ ކަމުގެ މައުލޫމާތު ’އިމިގްރޭޝަން ވޮޗް‘ އަށް މިދިޔަ ޖުލައި 18 ގައި ލިބިފައިވާ ކަމަށާއި، އެގޮތުން އިމިގްރޭޝަނުން އެ މައްސަލަ ބެލުމަށްފަހު މިދިޔަ އޮކްޓޫބަރު 23 ވަނަ ދުވަހު އެ މައްސަލާގައި ހިމެނޭ އިސް ފަރާތް އެ އިދާރާއަށް ހާޒިރުކޮށްފައިވާ ކަމަށެވެ.

ޝަމްޢާން ވިދާޅުވީ އެ ފަރާތްތަކުގެ ޕާސްޕޯޓުގެ މުއްދަތު ހަމަވެފައިވާތީ، މި އާއިލާ ރާއްޖެއިން ފުރުވާލުމަށް ބޭނުންވާ ޓްރެވަލް ޑޮކިއުމަންޓު ހޯދުމުގެ މަސައްކަތް މިނިސްޓްރީ އޮފް ފޮރިން އެފެއާޒާ ގުޅިގެން އިމިގްރޭޝަނުން ކުރަމުންދާ ކަމުގައެވެ.

އަދި މި ފަރާތްތަކުގެ ޓްރެވަލް ޑޮކިއުމަންޓް ލިބުނުހާ އަވަހަކަށް ފުރުވާލުމަށް ވަނީ ހަމަޖެހިފައިވާ ކަމަށާއި، އިމިގްރޭޝަންގެ ގާނޫނާ ޚިލާފަށް ދިވެހިރާއްޖޭގައި އުޅުމަށް އެއްވެސް ފަރާތަކަށް ފުރުސަތެއް ނުދެވޭނެ ކަމަށެވެ.

ވޭމަންޑޫގައި އުޅެމުންދާ އާއިލާގެ ބައެއް މެންބަރުން. ފޮޓޯ: މިހާރު

Loading

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް