ރާއްޖެ މިއޮތީ ބަނޑަށް ޖެހިފައި ކަމަށާއި، ގިނަ އާއިލާތައް އުޅެނީ ހިތްދަތިކަމުގައި ކަމަށް ކުރީގެ ރައީސް ޔާމީން ޢަބްދުލްޤައްޔޫމް ވިދާޅުވެއްޖެއެވެ.
ޕީއެންއެފްއިން ރޭ ބޭއްވި ޖަލްސާގައި ޔާމީން ވިދާޅުވީ ރައްޔިތުން ބޭނުންވަނީ އެބައިމީހުންގެ ދަތިތައް ފިލުވަން ކަމަށެވެ. އަދި ސަރުކާރުން ފިކުރިއްޔާތުގެ ވާހަކަ ހުއްޓާލަންޖެހޭ ކަމަށެވެ.
މި ސަރުކާރުގެ ވެރިންނަށް ބަނގުރޫޓުވުމާއި ބަނޑަށްޖެހުމުގެ ތަފާތު ވެސް ނޭނގޭ ކަމަށާއި، ބަނގުރޫޓްވުމަކީ އިކޮނޮމިކް ކޮންސެޕްޓެއް ކަމަށް ޔާމީން ވިދާޅުވިއެވެ. އަދި ބަނޑަށް ޖެހުމަކީ ކާބޯތަކެތި ކާންދޭނެ މިންވަރު ނުވަތަ އެ ހަކަތަ ނެތުން ކަމަށް އެމަނިކުފާނު ވިދާޅުވިއެވެ.
މި ސަރުކާރުން ބޭރަށް ދައްކަންޖެހޭ ދަރަނި ދައްކަން ބޭރުގެ ދައުލަތަކުން ޑިމާންޑްކުރާ ހާލަތުގައި، ރާއްޖެއަށް އެ ފައިސާ ދެއްކެން ނެތްނަމަ އެދަނީ ސޮވަރިން ޑިފޯލްޓަކަށް ކަމަށް ޔާމީން ވިދާޅުވިއެވެ.
ރައީސް ޔާމީން ވިދާޅުވި ގޮތުގައި ރާއްޖެ އޮތީ ބަނޑަށް ޖެހިފައިކަމަށްވާއިރު، އެތައް އާއިލާތައް އުޅެނީ ހިތްދަތިކަމުގައެވެ.
ރައީސް ޔާމީން މިކަން ފާހަގަކުރައްވާފައިވާއިރު، ރާއްޖޭގެ ރިޒާވުގައި މިހާރު ހުރީ 45.7 މިލިއަން ޑޮލަރެވެ. މިއީ މަސްދުވަހުގެ ޒަރޫރީ އިމްޕޯޓަށް ނުފުދޭ އަދަދެކެވެ.
One Response
Kaleyge acvunt thah jamaakuri faisaa thah dheynveenun rayyithun ah.