ގއ.ދާންދޫ މަގުމަތީގައި މީހަކު މަރުވެފައި އޮއްވާ ފެނިއްޖެއެވެ.
މަރުވެފައި އޮއްވާ ފެނިފައިވަނީ އެ ރަށު ނަގަހެލަ، އަޙްމަދު ޢަބްދުﷲ (33އ) އެވެ. އޭނާ މަރުވެފައި އޮއްވާ ފެނިފައިވަނީ މިއަދުގެ ހެނދުނުގެ ވަގުތެއްގައެވެ. އޭނާ
އޭނާގެ ހަށިގަނޑު މިހާރު ވަނީ އެ ރަށު ހެލްތު ސެންޓަރަށް ގެންގޮސްފައެވެ.
އަޙްމަދު ޢަބްދުﷲ އަކީ ފެނަކައިގައި ވަޒީފާ އަދާކުރާ މީހެކެވެ.
މިކަމާ ގުޅިގެން ފުލުހުން ބުނީ މިއަދު 8:10 ހާއިރު އަޙްމަދު ޢަބްދުﷲ ދާންދޫ ފެނަކަ ބްރާންޗު ހުޅަނގު ފަރާތު މަގުމައްޗަށް ވެއްޓިފައި އޮތްކަމަށް ބުނާ މައްސަލައެއް ފުލުހުންނަށް ރިޕޯޓުކޮށްފައިވާ ކަމަށެވެ.
ހެލްތު ސެންޓަރަށް ގެންދިޔައިރު ވެސް އޭނާ އޮތީ މަރުވެފައި ކަމަށް ހެލްތު ސެންޓަރާ ހަވާލާދީ ފުލުހުން ބުންޏެވެ.
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.
