މިދިޔަ ނޮވެންބަރު މަހު އެންމެ ގިނައިން ރިޕޯޓުކޮށްފައިވަނީ ވައްކަމާއި، އެކްސިޑެންޓުގެ މައްސަލަ ކަމަށް ފުލުހުންގެ ޚިދުމަތުގެ ތަފާސްހިސާބުތަކުން ދައްކައިފިއެވެ.
ފުލުހުން އާންމުކޮށްފައިވަާ ހިސާބުތަކުން ދައްކާ ގޮތުން، މިދިޔަ މަހު އެ އިދާރާއަށް 989 މައްސަލައެއް ރިޕޯޓުކޮށްފައިވެއެވެ.
އޭގެތެރެއިން އެންމެ ގިނައީ ވައްކަމުގެ މައްސަލައެވެ. ވައްކަމުގެ 310 މައްސަލައެއް ރިޕޯޓުކޮށްފައިވާ ކަމަށް ފުލުހުންގެ ތަފާސްހިސާބުތަކުން ދައްކައެވެ.
ދެވަނައަށް އެންމެ ގިނައިން ހުށަހަޅާފައިވަނީ އެކްސިޑެންޓުގެ މައްސަލައެވެ. އެގޮތުން އެކްސިޑެންޓުގެ 236 މައްސަލަ ހުށަހަޅާފައިވެއެވެ.
އެކްސިޑެންޓުގެ މައްސަލަތައް ގިނަވެފައިވާއިރު، ބައެއް އެކްސިޑެންޓުތަކުގައި ބައެއް މީހުންނަށް ބޮޑެތި އަނިޔާތައް ލިބި، ބައެއް އެކްސިޑެންޓުތަކުގައި މީހުން ނިޔާވެފައިވެއެވެ.
ފުލުހުންގެ މުއައްސަސާއަށް ދެން އެންމެ ގިނައިން ހުށަހަޅާފައިވަނީ މަސްތުވާތަކެތީގެ މައްސަލައެވެ. މަސްތުވާތަކެތީގެ 130 މައްސަލައެއް ހުށަހަޅާފައިވެެެއެވެ.
މީގެއިތުރުން ހުށަހަޅާފައިވަނީ އެއްޗެހި ގެއްލުމުގެ 67 މައްސަލައާއި، މާރާމާރީގެ 63 މައްސަލައާއި، މަކަރާއި ހީލަތް ހެދުމުގެ 51 މައްސަލައާއި، މުދަލަށް ގެއްލުންދިނުމުގެ 46 މައްސަލައާއި، ފޭރުމުގެ 32 މައްސަލައާއި، ޖިންސި ގޯނާގެ 24 މައްސަލައާއި، ގެވެށިއަނިޔާގެ 18 މައްސަލައާއި، ފޯޖުކުރުމުގެ 11 މައްސަލައެވެ.
2 Responses
ރައްޔިތުންގެ ފައިސާއިން ދައުލަތުން ވައްކަންކުރާ ވަރަކަށް ރައްޔިތުންނަށް ދަތިބޮޑުވާނެއެވެވެ..އެއީ އެކި ނަންނަމުގައި ރައްޔިތުންގެ އަތުން ދައުލަތުން ފައިސާ އެކަށީގެން ނުވާ މިންވަރަށް ނެގުމުން ދަތި ބޮޑުވަނީއެވެ..ޚަރަދުތައް ދެކޮޅު ނުޖެހޭތީ ރައްޔިތުންނަށް ވެސް ވައްކަން ކުރަން ޖެހެނީއެވެ.
އޭގެ އިތުރުން ޙުކުމް ތަންފީޒު ނުކުރެވޭތީ ވެސް ވައްކަން އިތުރުވާނެއެވެ.ދަތުރު ފަތުރުގެ ޚަރަދު, ބޭސް ފަރުވާގެ ކަންކަން ރާވާގޮތުން ރައްޔިތުން އުފުލަންޖެހޭ ބުރަ ބޮޑުވީމާވެސް ވައްކަން އިތުރު ވާނެއެވެ..
ކޮންޚިޔާލެއްތޯ؟ޚިޔާލު ޖަހަން ކެރޭނެތޯ؟ވައްކަމޭތޯ? ދައުލަތުގެ ހުރިހާ ދިމާއެއްގައި ވެސް އޮތީ ބޮޑުކޮށް ވައްކަން ކުރުމެވެ..ތީގެ ވެސް ބޮޑު ބައި އޮންނާނީ ވައްކަމެވެ.ސްޓެލްކޯ މިހާރ އާ ވައްކަމެއް ފަށަނީޔޯ….އެކަން ކުރާނީ ވެސް އެކަން ވިސްނައިގެންނެވެ. ޙަރާމް ތަކެތި ތިމާއާއި އަނބި ދަރިންނަށް ކާން ނުދީ ވޭތޯ ބަލަންޏާ ވެސް ރަނގަޅުވާނެއެވެ. ނިކަން އަޅެ ވިސްނަ ބަލާށެވެ.ހުރިހާދިމާއެއްގައި ވެސްއޮތީ ވައްކަން ނޫން ހެއްޔެވެ.؟ހުސްވަނީ ތިޖޫރިއެވެ.ސްޓެލްކޯ ސެންޓަރު ވެސް ހުޅުވާފަ ދުވަސް ކޮޅަކުން ގެއްލުންވާތީ ހުއްޓާލާނީ ނުވަތަ ވިއްކާލާނީއެވެ. ޢާންމުންނަށް ވެސް ދަތިވާ ވަރަކަށް ވައްކަން އިތުރު ވާނެއެވެ.ޙުކުމެއް ތަންފޒުވަނީ އެއް ނޫނެވެ.މިވާހަކައެއް ދައްކަން ފެށީމައި މާރުކޭޓުން ރިހާކުރު ފުޅިއެއް ވަގަށް ނެގީމާ އެއް އަހަރަށް ޖަލު ޙުކުމެއް ކުރީމާ ނިމުނީއެވެ.