ސަރުކާރަށް އަހަރެއްވީއިރު ސިޔާސީ އަންބޮނޑި ބަނދެ، ފޮނި ތަގުރީރު ދިނުން ނޫން ކަމެއް ނުކުރެވޭ ކަމަށް ރައްޔިތުންގެ މަޖިލީހުގެ ވެލިދޫ ދާއިރާގެ މެންބަރު މުޙައްމަދު ޢައްބާސް ވިދާޅުވެއްޖެއެވެ.
މި ސަރުކާރަށް ފާޑުވިދާޅުވެ، ޢައްބާސް މިހެން ވިދާޅުވީ ރޭގެ ވަގުތެއްގައި އެކްސްގައި ކުރި ޕޯސްޓުތަކެއްގައެވެ.
ޢައްބާސް ވިދާޅުވީ މި ފާއިތުވި އެއް އަހަރު ތެރޭގައިވެސް އެއް ބިލިއަން ޑޮލަރުގެ ލޯނު ނަގައިގެން ގައުމަށް، ރައްޔިތަކަށް އެއްވެސް މަންފާއެއްވާނެ ކަމެއް ނުކޮށް ސިޔާސީ އަންބޮނޑި ބަނުން ނޫންކަމެއް ނުކުރައްވާ ކަމަށެވެ.
އަދި މަކަރުވެރި ސިޔާސަތުގެ ތެރެއިން ރައްޔިތުންގެ ލޯބި ހޯދަން ފޮނި ތަގުރީރު ދިނުން ނޫންކަމެއް ނުކުރައްވާ ކަމަށެވެ.
ރައްޔިތުން ނިކަމެތިވާނެހާ ކަމެއްކޮށްފައި މިބުނަނީ ތިމަންމަނިކުފާނު މިހުރީ ރައްޔިތުންގެ ފަޅީގައޭ. ރައީސް ޑރ. މުޢިއްޒަށް ފާޑުވިދާޅުވެ ޢައްބާސް ވިދާޅުވިއެވެ.
ސިޔާސީ މަގާމުތަކުގައި ތިބި 248 މީހުން ވަޒީފާއިން ވަކި ކުރަން ނިންމަވާފިކަން އިއުލާންކޮށް، އެކަކުވެސް ވަކި ނުކޮށް 248 މީހުން ވަކިކޮށްފި ކަމަށް ތަރުޖަމާނުލައްވައި ރައްޔިތުނަށް ބޮޑެތި އިތުރުފުޅު ހައްދަމުން ގެންދެވީމަ ދެން އިތުބާރު ކުރާނީ ކިހިނެއްތޯ ވެސް ޢައްބާސް ވަނީ ސުވާލު އުފައްދަވާފައެވެ.
ދައުލަތަށް ލިބޭހާ ލާރިއަކުން ސިޔާސީ މީހުންނަށް މުސާރަ ދީފައި އެހެން ކަމެއް ނުކުރެއްވޭ ކަމަށާއި، މި ގައުމުގެ ހާލަތަކީ މިއީ ކަމަށް ޢައްބާސް ވިދާޅުވިއެވެ.
2 Responses
ބޭނުންހާކަމެއް ނުވީމާ. ދެންބާރައް ހަޅޭލަވާ މީދޯމިމީހުންގެ ފެންވަރު
Abbaage thividhaalhuvee kamuge haqeeqathaaehthah alhugaves thaaeedhu.