”މޯލްޑިވްސް ކޮމިޔުނިޓީ ޕާޓީ“ ގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަނުން ދީފިއެވެ.
އީސީއިން މިއަދު ބުނީ“މޯލްޑިވްސް ކޮމިޔުނިޓީ ޕާޓީ“ ގެ
ނަމުގައި ޕާޓީއެއް އުފެއްދުމަށްޓަކައި ކުރަންޖެހޭ މަސައްކަތްތައް ކުރިއަށްގެންދިއުމުގެ ހުއްދަ ގ.ކްރެބްޓްރީ، ޢަލީ އަޙްމަދަށް ދިނުމަށް މިއަދު ކޮމިޝަނުން ނިންމާފައިވާ ކަމަށެވެ.
އެގޮތުން މި ޕާޓީ އުފެއްދުމަށް ބޭނުންވާ ތިންހާސް މީހުންގެ ސޮއި ހޯދުމަށާއި، ޕާޓީ އުފެއްދުމަށްޓަކައި ކުރަންޖެހޭ އެހެނިހެން ކަންތައްތައް ކުރިއަށް ގެންދިއުމުގެ ހުއްދަ އާއިއެކު އެ ޕާޓީ ރަޖިސްޓްރީ ކުރުމަށް ބޭނުންވާ 3000 މީހުންގެ ފޯމު މި ކޮމިޝަނަށް ހުށަހެޅުމަށް ތިން މަސް ދުވަހުގެ މުހުލަތެއް ވަނީ ދީފައިވާ ކަމަށް އީސީއިން ވަނީ ބުނެފައެވެ.
2 Responses
މިވަރަށް މިހާރުހުރި ޕާޓީތައް ފޭލްވީމާ ތަޖުރިބާ ހުރި އަޚުލާގެއް ތިބި ބަޔަކު އެބަޖެހޭ ރައްޔަތުންނަށް އުންމީދެއް ދޭން. މަރުޙަބާ!
އަޚުލާގީ ހެޔޮލަފާ ގާނޫނުތަކަށް ބޯލަނބާ ބަޔަކު ކޮމިޔުނިޓީ ސާރވިސް އަށް ނުކުންނަން ވަނީ ޖެހިފައެވެ. ވީމާ ޔުނިޓީި ޕާޓީގެ ކުރީސަފުން އެފަދަ ލީޑަރޝިޕްއެއް ދެއްކިއްޖެނަމަ ރައްޔަތުންގެ ތެރެއިން އެފަދަ ހެޔޮލަފާ އެތަކެއް ބަޔަކު ގުޅޭނެކަމަށް ފެނެއެވެ. ރައީސް މުޢިއްޒު ދެކެ ވާ ފޫހިން މުޢިއްޒު ނޫން ގޮތެކޭ ބުނެ އެމްޑީޕީއަށް ރައްޔިތުން ދެނެއް ނުލެނބޭނެއެވެ. އެހެނީ 2 ދައުރު ދިނުމުންވެސް ކުރީގެ އެއްވެސް ވައްކަމެއް ޖަލުތަކުގައި އަނިޔާދިން ފަރާތެއް އިންސާފުގެ ކުރިމައްޗަށް ނުގެނެވުނެވެ. އަދި ދައުލަތްވެސް ދަރާ ހޭއަރުވާލައިފިއެވެ.
ވީމާ އާ ރޫޙެއް އާ ޖީލެއް ސިޔާސީ މައިދާނަށް ނިކުތުމަށް މިވަގުތު ފުރުސަތު ވަރަށް ބޮޑެވެ.