ހުޅުމާލޭ ދެވަނަ ފިޔަވަހީގައި ހުންނަ ހިޔާ ފްލެޓެއްގައި ފިރިހެނަކު ރަހީނުކޮށް، އަނިޔާކުރި މައްސަލާގައި ހައްޔަރުކުރި މީހުން ބަންދުކުރަން
އަމުރުކޮށްފިއެވެ.
އެޗް 9 ގެ 20 ވަނަ ފްލޯގެ 11 ވަނަ އެޕާޓްމަންޓުގެ ތެރޭގައި ދިވެހި ފިރިހެނަކު ރަހީނުކޮށްގެން އުޅެނިކޮށް، ބުރާސްފަތި ދުވަހުގެރޭގެ އިރާކޮޅުގެ ވަގުތެއްގައި ފުލުހުން ވަނީ އެ އެޕާޓްމަންޓުގެ ދޮރު ހަލާކުކޮށްލުމަށްފަހު ވަދެ، އެ މީހާ ސަލާމަތްކޮށް، އެ ތަނުގައި ތިބި 12 މީހުން ހައްޔަރުކޮށްފައެވެ.
މިނިސްޓަރު ޢަލީ އިޙްސާން ވިދާޅުވެފައިވާ ގޮތުގައި ފުލުހުން އެޕާޓްމަންޓަށް ވަންއިރު ވަނީ ރަހީނުކުރި ފިރިހެން މީހާގެ ބޯ ބާލުވައިފައެވެ. އަދި ވަޅިން އޭނާގެ އިނގިލި ބުރިކޮށްލަން ތައްޔާރުކޮށްފައި ހުރި ކަމަށް އިޙްސާން ވިދާޅުވެފައިވެއެވެ.
މިނިސްޓަރު ވިދާޅުވި ގޮތުގައި އަނިޔާ ލިބުނު މީހާ ސަލާމަތް ކުރީ އޭނާ ރަހީނުކުރިތާ ގާތްގަނޑަކަށް 40 މިނެޓް ތެރޭގައެވެ.
ފުލުހުން މިއަދު ބުނީ މި މައްސަލާގައި ހައްޔަރުކުރި 12 މީހުންގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން 7 ދުވަހަށް ބަންދުކުރުމަށް އަމުރުކޮށްފައިވާ ކަމަށާއި މައްސަލަ ތަހުގީގުކުރަމުންދާ ކަމަށެވެ.
އެޗް 9 ގެ 20 ވަނަ ފްލޯގެ 11 ވަނަ އެޕާޓްމަންޓަކީ މީގެކުރިން ވެސް ޑްރަގް މައްސަލަތަކާ ގުޅިގެން ފުލުހުން ދޭތެރެދޭތެރެއިން ފާސްކުރާ އެޕާޓްމަންޓެކެވެ.
One Response
ތިސާބިތު ނުވެގެން ދޫކޮށްލާނެ….އެއްކަމެއް ވެސް ނުވާނެ…ގޮތް ދައްކާނެ..ބަލަ ގޭންގް ތަކަކީ ކޮބައިކަމާއި ގޭންގް ތަކުގައި އުޅެނީ ކޮންބައެއްކަން އެނގޭނު….ފުނޑާލާނެ ހިތްވަރެއް ނެތެއްނު….ގަބޫލު ކުރިޔަސް ނުކުރިޔަސް ޙައްލަކީ ޢުމަރު ނަޞީރު..އެސޮރު ކުރާނެ…. ކެރޭނެ..ކުރާނެ…އެހިތްވަރު ހުންނާނެ..