މިދިޔަ އޮގަސްޓް މަހު 6 ވަނަ ދުވަހުގެ މެންދަމުގެ ވަގުތެއްގައި
ހުޅުމާލޭ ސެންޓްރަލް ޕާކު ކައިރިން ބާރު ސްޕީޑްގައިި ދުއްވާފައި ދިޔަ ސްޕޯޓްސް ކާރަކުން ސައިކަލެއްގައި ޖެހި ހިނގި އެކްސިޑެންޓުގައި ޒުވާނަކު ނިޔާވި މައްސަލާގައި، އެ ކާރު ދުއްވި މީހާއަށް ދައުވާކުރުމަށް އެދި ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވައިފިއެވެ.
މި މައްސަލާގައި ހައްޔަރުކުރީ ސ.ހިތަދޫ، ވައިލެޓްފެހި، މުޙައްމަދު ވިސާމް ސިދުޤީ (26 އ) އެވެ. އޭނާ މިހާރު ހުރީ ޝަރީއަތް ނިމެންދެން ބަންދުކޮށްފައެވެ.
ފުލުހުން މިއަދު ބުނީ ވިސާމްގެ މައްޗަށް ދައުވާކުރުމަށް އެދި މިދިޔަ ހޮނިހިރު ދުވަހު ޕީޖީ އޮފީހަށް ފޮނުވާފައިވާ ކަމަށެވެ.
އޮގަސްޓު 6 ވަނަ ދުވަހުގެ މެންދަމުގެ ވަގުތެއްގައި ހިނގި
މި އެކްސިޑެންޓްގައި ނިޔާވީ ލ.އިސްދުއަށް ނިސްބަތްވާ އުމުރުން 23 އަހަރުގެ ޙަސަން ސަމާހުއެވެ.
ސަމާހު ނިޔާވީ ލިބުނު އަނިޔާތަކާ ގުޅިގެން ހުޅުމާލޭ ހޮސްޕިޓަލުގައި ފަރުވާދެމުން ދަނިކޮށެވެ.
ސަމާހަކީ ކަރެކްޝަނަލް ސަރވިސްގައި މަސައްކަތް ކުރަމުން އައި ޒުވާނެކެވެ.
