ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އެމަނިކުފާނުގެ ކެބިނެޓަށް މިއަދު ބަދަލުތަކެއް ގެންނަވައިފިއެވެ.
ރައީސް އޮފީހުން ބުނީ މިއަދު މެންދުރުފަހު މިކަމަށްޓަކައި އެ އޮފީހުގައި ބޭއްވި ރަސްމިއްޔާތުގައި މިނިސްޓަރ އޮފް ފޮރިން އެފެއާޒްގެ މަގާމަށް ޑޮކްޓަރ ޢަބްދުﷲ ޚަލީލް އައްޔަން ކުރައްވާފައިވާ ކަމަށެވެ.
މީގެއިތުރުން މިނިސްޓަރ އޮފް ފިނޭންސްގެ މަގާމަށް މޫސާ ޒަމީރު އަދި މިނިސްޓަރ އޮފް ހެލްތްގެ މަގާމަށް ޢަބްދުﷲ ނާޒިމް އިބްރާހީމް ވަނީ އައްޔަންކުރައްވާފައިވާ ކަމަށެވެ.
ޑރ.ޚަލީލް މީގެކުރިން ހުންނެވީ ހެލްތު މިނިސްޓަރުގެ މަގާމުގައެވެ. މޫސާ ޒަމީރު މީގެކުރިން ހުންނެވީ ފޮރިން މިނިސްޓަރުގެ މަގާމުގައެވެ. އަދި ނާޒިމް ކުރިން ހުންނެވީ ރައީސް އޮފީހުގެ މިނިސްޓަރުކަމުގައެވެ.
