އިސްލާމީ ކަންތައްތަކާ ބެހޭ ވުޒާރާއިން މިއަހަރު ބާއްވާ އިސްލާމީ 6 މަހާސިންތާގެ ކަންކަން ތަރުތީބުކޮށް ނިންމައިފިއެވެ.
އިސްލާމީ ކަންތައްތަކާ ބެހޭ ވަޒީރު ޑރ.މުޙައްމަދު ޝަހީމް ޢަލީ ސަޢީދު އެކްސްގައި ކުރެއްވި ޕޯސްޓެއްގައި ވިދާޅުވީ އޭގެތެރެއިން ފުރަތަމަ މަހާސިންތާ ކަމަށްވާ އިލްމުވެރިންގެ މަހާސިންތާ މި މަހު 24 ގައި އޮންނާނެ ކަމަށެވެ.
އެ މަހާސިންތާގައި މައްކާގެ ޙަރަމްފުޅުގެ ފަތުވާ މަޖްލިސްގެ އިސް އިލްމުވެރިޔަކު ބައިބެރިވެލައްވާނެ ކަމަށް ވެސް ވަޒީރު ވިދާޅުވިއެވެ.
އިސްލާމީ ކަންތައްތަކާ ބެހޭ ވުޒާރާއިން މިއަހަރު މުހިންމު ހަ މަހާސިންތާއެއް ބާއްވާން ނިންމަވައި އެކަން އިއުލާނުކުރީ މިދިޔަ މަހުގައެވެ.
މީގެ ތެރޭގައި އިލްމުވެރީންގެ މަހާސިންތާގެ އިތުރުން ޖަމިއްޔާތަކުގެ މަހާސިންތާއަކާއި އިމާމުންގެ މަހާސިންތާއަކާއި ޒަކާތުގެ މަހާސިންތާއަކާއި ހައްޖާއި އުމްރާގެ މަހާސިންތާއަކާއި ފަތުވާ މަހާސިންތާއެއް ބާއްވަން އިސްލާމީ ކަންތައްތަކާ ބެހޭ ވުޒާރާއިން ވަނީ ނިންމައިފައެވެ.
މި މަހާސިންތާތައް ބާއްވާނެ ތާރީޚުތައް:
އިލްމުވެރީންގެ މަހާސިންތާ – އޮގަސްޓް 24 ގައި
ޖަމިއްޔާތަކުގެ މަހާސިންތާ – ސެެޕްޓެންބަރު 4 ގައި
އިމާމުންގެ މަހާސިންތާ – އޮކްޓޫބަރު 26 ގައި
ޒަކާތުގެ މަހާސިންތާ – އޮކްޓޫބަރުގައި
ހައްޖާއި އުމްރާގެ މަހާސިންތާ – އޮކްޓޫބަރުގައި
ފަތުވާ މަހާސިންތާ – ނޮވެންބަރުގައި
