ޒުވާން ޚަޠީބުން އުފެއްދެވުމަށްޓަކައި އިސްލާމީ ކަންތައްތަކާ ބެހޭ ވުޒާރާއިން ކުރިއަށްގެންދާ ޚާއްސަ މަޝްރޫއުގެ ދެވަނަ ބުރުގައި ބައިވެރިވި ޒުވާނުންނަށް ބާއްވާ ތަމްރީނު ޕްރޮގުރާމް ނިމި މި މަސްތެރޭ ސަނަދު ދިނުމުގެ ހަފުލާ ބާއްވަން ނިންމައިފިއެވެ.
އިސްލާމީ ކަންތައްތަކާ ބެހޭ ވަޒީރު ޑރ.މުޙައްމަދު ޝަހީމް ޢަލީ ސަޢީދު އެކްސްގައި ކުރެއްވި ޕޯސްޓެއްގައި ވިދާޅުވީ ޒުވާން ޚަޠީބުންގެ 200 ބައިވެރިންގެ ތަމްރީނު ނިމި މި މަސްތެރޭ ސަނަދު ދިނުމުގެ ހަފުލާ ބައްވާނެ ކަމަށެވެ.
ވަޒީރު ވިދާޅުވީ އޭރުން މި 8 މަސް ތެރޭ ޒުވާން 300 ޚަޠީބުން ތަމްރީނުކޮށް ނިމުނީ ކަމަށެވެ.
“މީގެ ކުރިންވާނީ 100 ތަމްރީނުކޮށްފަ. އަމާޒަކީ 1,000 ޒުވާން ޚަޠީބުން ތަމްރީނު ކުރުން.“
ވަޒީރު ވިދާޅުވީ ރީތިކޮށް ޤުރުއާން ކިޔަވާ ޚުޠުބާ ކިޔާ އަދި ބަންގި ގޮވާ ޒުވާން ޖީލެއް ނެރުމަކީ މި ޕްރޮގްރާމުގެ އަމާޒު ކަމަށެވެ.
މިއީ ރައީސް ޑރ. މުޙައްމަދު މުޢިއްޒުގެ ފުރިހަމަ އިރުޝާދުގެ ދަށުން ކުރިއަށް ގެންދެވޭ ވަރަށް ޚާއްސަ މަޝްރޫއުއެއް ކަމަށާއި މިކަމަށް ލިބިގެން ދިޔަ ތަރުޙީބަށްޓަކައި އުފާކުުރައްވާ ކަމަށް ވެސް ވަޒީރު ވިދާޅުވިއެވެ.
ދެވަނަ ބުރުގެ ތަމްރީން ޕްރޮގުރާމް މާލޭގެ އިތުރަށް އައްޑޫގައި ވެސް ކުރިއަށް ގެންދިޔައެވެ. ޒުވާން ޚަޠީބުންގެ ދެވަނަ ބުރަށް ފުރުސަތު ހުޅުވައިލުމުން 200 އަށް ވުރެ ގިނަ ޒުވާނުން ފޯމު ހުށަހެޅިއެވެ.
One Response
ރީތިރާގަކަށް ފޮޑިއެއްޖހިޔަސް އެއީ އޭރެއްގެ ވެރިޔަކަށް
ސަނކިޔުން! މިދިވެހިރާއްޖެ އަދިވެސް ކުޑަކަކޫހެއްސުމުގެ ސަޤާފަތް އެބައޮތޭދޯ