ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް މިހާރު ހިންގަމުންދާ ޚާއްސަ އޮޕަރޭޝަނުގެ ތެރެއިން
ގަވާއިދާ ޚިލާފަށް މަސައްކަތް ކުރަމުންދިޔަ 11 ބިދޭސީއަކު އިމިގްރޭޝަން ބެލުމުގެ ދަށަށް ގެންގޮސްފިއެވެ.
އިމިގުރޭޝަނުން ރޭ ބުނީ ހުޅުމާލޭގައި ހިންގަމުންދާ ބޯކޮށާ ތަންތަނަށް އަމާޒުކޮށްގެން އިއްޔެ ހިންގި ރެއިޑުގައި 06 ތަނެއް ބަލައި ފާސްކޮށްފައިވާ ކަމަށެވެ.
އަދި މީގެތެރެއިން 04 ތަނެއް ބަންދުކޮށް، ގަވާއިދާ ޚިލާފަށް އުޅޭ 07 ބިދޭސީއަކު އިމިގްރޭޝަން ބެލުމުގެ ދަށަށް ގެންގޮސްފައިވާ ކަމަށެވެ.
ހުޅުމާލޭގައި ބިދޭސީން ހިންގަމުންދާ ކޮފީ/ޓޭކްއަވޭ ފިހާރަތަކަށް ހާއްސަކޮށް ހިންގި ރެއިޑެއްގައި އަންގާރަ ދުވަހުގެ ހަވީރު 07 ތަނެއް ބަލައި ފާސްކޮށްފައިވާ ކަމަށާއި މި ތަންތަނުގައި ގަވާއިދާ ޚިލާފަށް މަސައްކަތް ކުރަމުންދިޔަ 04 ބިދޭސީއަކު އިމިގްރޭޝަން ބެލުމުގެ ދަށަށް ގެންގޮސްފައިވާ ކަމަށް ވެސް އެ އިދާރާއިން ބުންޏެވެ.
މީގެއިތުރުން ފުޅާދާއިރާއެއްގައި ކާބޯތަކެތި ޑެލިވެރީ ކުރުމުގެ ޚިދުމަތް ދެމުންދިއަ ކަމަށް ”އިމިގްރޭޝަން ވޮޗް“ އަށް ރިޕޯޓު ކޮށްފައިވާ ތަނެއް މި މަހުގެ 05 ވަނަ ދުވަހު ވަނީ ބަލައި ފާސްކޮށްފައެވެ. އަދި ގަވާއިދާ ޚިލާފަށް އެތަނުގައި މަސައްކަތް ކުރަމުންދިޔަ 4 ބިދޭސީއަކު އިމިގްރޭޝަން ބެލުމުގެ ދަށަށް ވަަނީ ގެންގޮސްފައެވެ.
ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ރައްޔިތުން ދެއްވާ އެއްބާރުލުމަށް އިމިގުރޭޝަަނުން ވަނީ ޝުކުރު އަދާކޮށްފައެވެ. އަދިވެސް މިފަދަ މައްސަލަތައް ”އިމިގްރޭޝަން ވޮޗް“ މެދުވެރިކޮށް ރިޕޯޓު ކުރައްވަމުން ދިއުމަަށް އެ އިދާރާއިން ވަނީ އެދިފައެވެ.
