ކުއްޖަކަށް ދިރުވާލެވުނު ކުޅޭ އެއްޗެއް އައިޖީއެމްއެޗްގެ ޑޮކްޓަރުން އެ ކުއްޖާގެ ފުއްޕާމެއިން ނަގައިފި އެވެ.
އައިޖީއެމްއެޗްގެ އެތެރެހަށީގެ ޑޮކްޓަރު، ޑރ. މުހައްމަދު އަލީ ކުރެއްވި ޓުވީޓެއްގައި ވިދާޅުވީ އެ ހޮސްޕިޓަލުގެ ރެސްޕިރެޓަރީ މެޑިސިން ޓީމުން، ކުޑަ ކުއްޖެއްގެ ކަނާތު ފުއްޕާމޭގެ ތެރެއިން ސޮފްޓް ޓޯއީއެއްގެ އަޑު ގޮވާ ތަންކޮޅު ނަގާފައިވާ ކަމަށެވެ.
އެ އޮޕަރޭޝަނުގައި ހޮސްޕިޓަލުގެ ރޭޑިއޮލޮޖީ ޓީމާއި މަސައްކަތް ކުރެއްވި ޑޮކްޓަރުންނާއި ނަރުހުންގެ މަސައްކަތް އެ ޑޮކްޓަރު ވަނީ ފާހަގަ ކުރައްވަ އެވެ.
”އެ ކުއްޖާ އުޅުނީ އޭތި ދެ ތުންފަތް ދޭތެރޭގައި ބާއްވައިގެން ފުމުމުން އަޑު ގޮވާތީ، ކޮއްކޮއަށް އެ މަންޒަރު ދައްކަން! އެހެން ނަމަވެސް އެ ކުއްޖާއަށް އޭތި ދިރުވާލެވުނީ“. މުހައްމަދު އަލީ ވިދާޅުވިއެވެ.
ޑރ. މުހައްމަދު އަލީ އިތުރަށް ވިދާޅުވީ އަނގައިގެ އެތެރެއަަށާއި ދެ ތުންފަތް ދޭތެރެއަށް އެފަދަ އެއްޗެހި ލައިގެން އުޅުމީ ނުރައްކާތެރި ކަމެއް ކަމަށެވެ.
