ރައްޔިތުންގެ މަޖިލީހުގެ މިއަދުގެ ޖަލްސާ ހޫނުވެ، މެމްބަރުން އަވަގުރާނަ ގޮވައި އެއް ބަޔަކު އަނެއް ބަޔަކަށް ރާ ބޯ ކަމަށް ތުހުމަތުކޮށްފި އެވެ.
މިއަދުގެ ޖަލްސާގައި އިދިކޮޅު ޕީއެންސީގެ ނައިބު ރައީސް، މަޑުއްވަރީ ދާއިރާގެ މެންބަރު އާދަމް ޝަރީފް ހުށަހަޅުއްވާ އެ ކުއްލި މައްސަލަ ހުށަހެޅުމަށް ރިޔާސަތުން ފުުރުސަތު ދިނުމާ އެކު، މެންބަރުން ދިޔައީ އަޑުގަދަކުރައްވަމުންނެވެ. ޝަރީފް އެ މައްސަލަ ހުށަހަޅުއްވަމުން ދިޔައިިރު ވެސް، މެންބަރުން އެކަކު އަނެކަަކަށް ހަޑި ހުތުރު ބަހުން ވާހަކަ ދެއްކި އަޑު މަޖިލީހުގެ މައިކަށް އެރި އެވެ. އެންމެ ބޮޑަށް އަޑުގަދަކުރައްވަމުން ގެންދެވީ މެދުހެންވޭރު ދާއިރާގެ މެންބަރު އަލީ އާޒިމްއެވެ.
”މީނަ ދެ ފުޅި ބޮއެފިއްޔާ“ އަނެކަކު ”ހަތަރު ފުޅި ރާ ބޯނެ“ ކަމަށް ވިދާޅުވަމުން ދިޔަ އެވެ. އަދި ”ރާ ބޮއެފައި ހުރިއްޔާ ރާ ބުއީ އަޅުގަނޑާ އެކު“ ކަމަށް ވެސް އެއް މެންބަރަކު ވިދާޅުވި އަޑު އިވެ އެވެ.
ސަރުކާރާއި އެއްކޮޅު މެންބަރުންނާއި ދެކޮޅު މެންބަރުން އަޑުގަދަކުރައްވަން ފެއްޓެވުން މަޖިލިސް ކުރިއަށް ނުގެންދެވި ރިޔާސަތުގައި އިންނެވި ވިލުފުށީ ދާއިރާގެ މެންބަރު އަފީފް ވަނީ މަޖިލިސް ނިންމަވާލައްވައިފައެވެ،
