ރާއްޖޭގައި އުފެއްދި ފުރަތަމަ މޫދުގައި ދުއްވާ ކާރު (ވޯޓަ ކާރު) އަންނަ އޭޕްރީލް މަހު ލޯންޗު ކުރާ ގޮތަށް ހަމަޖައްސައިފިއެވެ.
ރާއްޖޭގެ ކުންފުންޏެއް ކަމަށްވާ ޔުނިކް ސްޕޯޓިންގެ ފަރާތުން ތައާރަފްކުރާ އެ ކާރު ދައްކާލާނީ އެ ކުންފުނިން އަންނަ އޭޕްރީލް މަހުގެ 27 އިން 29 އަށް ހުޅުމާލޭގައި ކުރިއަށްގެންދަން ހަމަޖައްސާފައިވާ މޯލްޑިވްސް ވޯޓާ ސްޕޯޓްސް ފެސްޓިވަލް 2023 ގައެވެ.
ޔުނިކް ސްޕޯޓިން އިން ބުނި ގޮތުގައި އެ ކާރަކީ ރިސޯޓްތަކަށް އަމާޒުކޮށްގެން ތައާރަފްކުރާ ކާރެކެވެ. އަދި އެ ކާރާއެކު ރާއްޖޭގެ މޫދު ކުޅިވަރުގެ އާ ތަޖުރިބާތަކެއް ކުރެވިގެންދާނެ ކަމަށް ބުންޏެވެ.
ރާއްޖޭގެ ބޯޓް ބިލްޑިން ކުންފުންޏަކާ ހަވާލުކޮށްގެން ހަދާ އެ ކާރަށް ބޭނުންވާ އިންޖީނު ގެންނަނީ ބޭރުންނެވެ.
ޔުނިކް ސްޕޯޓިންއިން ރާއްޖެއަށް ފުރަތަމަ ތައާރަފްކުރަނީ ކޯވެޓް ބްރޭންޑްގެ ދެ މީހުންނަށް އެރޭ ވައްތަރު ކާރެކެވެ. ވޯޓާ ސްޕޯޓްސް ފެސްޓިވަލުގެ ތެރެއިން އެ ކާރު ދުއްވާލުމުގެ ފުރުސަތު ބައެއް ފަރާތްތަކަށް ހިލޭ ލިބިގެންދާނެއެވެ.
One Response
ސަޅިވާނެ. އެހެނަސް ތީގެ ޢުމުރަކީ ކޮބައިބާވައެވެ. އެހެން މިބުނީ ކަނޑުގައި ދުއްވާ އެއްޗެއްވީމަ ވަރަށް ރާޅުޖަހާނެދޯއެވެ. ކޯރުތަކުގައި ދުއްވީމާ ވާހެނެއް ނުވާނެ ނޫންހެއްޔެވެ. ދެން ތި ކާރު ބަލާލަން އެޕްރީލް ފެސްޓިވަލަށް ދެވޭތޯ ބަލާނަމެވެ.