ވުލޫ ކުރާއިރު، ފެން ޖައްސަން ޖެހޭ ހުރިހާ ގުނަވަނެއްގައި ފެން ޖެއްސުމަކީ ވުލޫ ސައްހަވުމަށްޓަކައި ޝަތުރުވެގެންވާ ކަމެކެވެ. އަދި އެ ގުނަވަންތަކުގައި ފެން ޖެހުން މަނާ ތަކެތި ފޮހެލަން ޖެހެއެވެ. އެގޮތުން،
ނިޔަފަތި ޕޮލިޝްކުރާ އެއްޗެއްސާއި ވެކްސްއާއި މޫނުގައި ޖަހާ ފުށާއި މޭކަޕާއިި ފައުންޑޭޝަން ފަދަ ތަކެތިވެސް ދުއްވާލަން ޖެހެއެވެ. އެއީ ގުނަވަންތަކުގައި ރަނގަޅަށް ފެން ޖެއްސުމުގެ ގޮތުންނެވެ.
ވުލޫކުރާއިރު ދޮންނަން ޖެހޭ ގުނަވަންތަކުގައި ތެރެއިން ގުނަވަނެއްގައި، ހަންގަނޑަށް ފެން ވާސިލުވުން މަނާކުރާ އެއްވެސް އެއްޗެއް ހާކައިފައިވާނަމަ، އެ އެއްޗެއް ނުފިލުވާ ކުރާ ވުލޫ ސައްހައެއް ނުވާނެއެވެ.
އުމަރުގެފާނު ވިދާޅުވެފައިވާ ބަސްފުޅެއްގެ މާނައިފައިވެއެވެ.
”މީހަކު ވުލޫކުރި އިރު އޭނާގެ ފައިގައި ނިޔަފައްޗެއްގެ މިންވަރުގެ ތަންކޮޅެއް ފެން ނުޖެހި އިނެވެ. ނަބިއްޔާ އަށް މިތަން ފެނިވަޑައިގެން ހަދީޘްކުރެއްވިއެވެ. :އެނބުރިދާށެވެ! ތިބާގެ ވުލޫ ރަނގަޅުކުރާށެވެ!“ އޭގެ ފަހުގައި އެމީހާ އެނބުރި އަތުވެއްޖެއެވެ. އަދި ނަމާދުކޮށްފިއެވެ“
ސަހީހު މުސްލިމްގެ ޝަރަހާގައި އިމާމު ނަވަނީ ވިދާޅުވެފައިވެއެވެ. ”ދޮވުން ވާޖިބުވާ ގުނަވަންތަކުގެ ތެރެއިން ގުނަވަނެއްގެ ކިތަންމެ ކުޑަ މިންވަރެއްވިޔަސް ނުދޮވެ ދޫކޮށްލުމުން ވުލޫ ސައްހަ ނުވާނޭ ކަމުގެ މައްޗަށް މި ހަދީޘުން ދަލީލުކުރެއެވެ.“
އެހެންކަމުން، މޭކަޕާއި ފައުންޑޭޝަން ފަދަ ތަކެތި ބޭނުންކޮށްގެން ހުރެ ވުލޫ ކުރާނަމަ އެތަކެތި ފިލުވާލަން ޖެހޭނެއެވެ.
މަސްދަރު: ދިސަލަފިއްޔާ
One Response
މިހާރު ތިޔަ ވީގޮތުން ނަމާދު ކުރެވޭނެ އަންހެނުން މިޒަމާނުގައި ވަރަށް މަދުވާނެއެވެ. ދުވާލަކު 5 ފަހަރު ވުޟޫ ކުރާނަމަ މޭކަޕްކުރާނެވަގުތެއް ނުލިބޭނެއެވެ.