ރާއްޖެއާއި މެލޭޝިޔާގައިވެސް ދެ ގައުމުގެ އެއްގަމު އުޅަނދުގެ ޑްރައިވިން ލައިސަންސް ބޭނުންކުރެވޭގޮތް ހަދައިފިއެވެ.
އެކަމުގެ އެއްބަސްވުމުގައި ދެގައުމުން އިއްޔެ ވަނީ ސޮއިކޮށްފައެވެ.
އެ އެއްބަސްވުމުގައި، ރާއްޖޭގެ ފަރާތުން ސޮއިކުރެއްވީ ރާއްޖޭގެ ޓްރާންސްޕޯޓް މިނިސްޓަރު، އާއިޝަތު ނަހުލާއެވެ. މެލޭޝިޔާގެ ފަރާތުން ސޮއިކުރެއްވީ، އެ ގައުމުގެ ޓްރާންސްޕޯޓް މިނިސްޓަރު ޑރ. ވީކާސިއޮންގް އެވެ.
ރާއްޖެއާއި މެލޭޝިޔާގައިވެސް ދެ ގައުމުގެ އެއްގަމު އުޅަނދުގެ ޑްރައިވިން ލައިސަންސް ބޭނުންކުރެވޭގޮތް ހެދުމުގެ މަޝްވަރާ ދެ ގައުމުން ފަށާފައިވަނީ މިދިޔަ އަހަރުގެ ނޮވެމްބަރު މަހުގެ ތެރޭގައެވެ.
