އޮސްޓްރޭލިޔާގެ ސިޑްނީގެ ބީޗެއްގައި މިއަރެއް ހަމަލާ ދިނުމުގެ ސަބަބުން މީހަކު މަރުވެއްޖެއެވެ. މިއީ 1963 ވަނައަހަރުގެ ފަހުން މިގޮތަށް އޮސްޓްރޭލިޔާގައި މީހަކު މަރުވި ފުރަތަމަ ފަހަރު ކަމަށް ޚަބަރުލިބެއެވެ.
ބުދަދުވަހު ހަވީރު ލިޓްލް ބޭ ބީޗްގައި ހިގި މިހާދިސާއަށް ފަހު އިމަޖެންސީ ސަރވިސް އެތަނަށް ދިޔަ އިރުވެސް މީހާވަނީ މަރުވެފައި ކަމަށް ޚަބަރުލިބެއެވެ. މިހާދިސާގައި މަރުވި މީހާގެ ނަން ހާމަ ކޮށްފައެއްނުވެއެވެ. ނަމަވެސް ތަހުގީގެއް ފަށާފައިވާކަމަށް ނިއުސައުތު ވޭލްސް ގެ ކަމާބެހޭ އިދާރާ ތަކުންހާމަ ކޮށްފައި ވެއެވެ.
މިހާދިސާ ހިގި ލިޓްލް ބޭ އަދި ކައިރި އެހެން ބީޗްތައް މިހާރު ވަނީ ބަންދު ކޮށްފައެވެ.
