ރީތީގެ ރާނީ އަދި ބޮލީވުޑުގެ މަޝްހޫރު ތަރި އައިޝްވާރިއާ ރާއީ ރާއްޖެ އަތުވެއްޖެއެވެ.
މީޑިއާ ރިޕޯޓްތައް ބުނާގޮތުގައި އައިޝްވާރިއާ ރާއްޖެ އައިސްފައިވަނި އޭނާގެ ފިރިމީހާ އަބީޝޭކް ބައްޗަން އާއި އަދި ދަރުފުޅު އާރަދްޔާ ވެސް އެކީގައެވެ.
މި ދެމަފިރިން އިއްޔެ އިން ފެށިގެން ރާއްޖޭގައި ޗުއްޓީ ހޭދަކުރަމުން ދާއިރު މީޑިއާ ރިޕޯޓްތައް ބުނާގޮތުގައި އެ މީހުން މި ދަތުރަކީ ދަރިފުޅުގެ އާރަދްޔާގެ އުފަންދުވަސް ފާހަގަކުރުމަށް ކުރި ދަތުރެކެވެ. އާރަދްޔާ މިމަހު 16 ވަނަދުވަހު ދިހަ އަހަރު ފުރޭނެއެވެ.
އާރަދްޔާ އުފަންވެފައިވަނީ 16 ނޮވެމްބަރު 2011 ގައެވެ.
އައިޝްވާރިއާ ވަނީ އަމިއްލަ މޯލްޑިވްސް ރިސޯޓު އެންޑް ރެސިޑެންސްގައި ނަގާފައިވާ ފޮޓޯ އެއް އިންސްޓަގްރާމުގައި ޕޯސްޓުކޮށްފައެވެ. އެ ޕޯސްޓުގެ ކެޕްޝަނުގައި ޖަހާފައިވަނީ “ އިރު، ދޯދި އަދި ސުވަރުގެ“ އެވެ.
މިމަހު ކުރީކޮޅު ވެސް އައިޝްވާރިއާ ވަނީ ރާއްޖެއައިސްފައެވެ. އެފަހަރު ރާއްޖެ އައިސްފައިވަނީ އައިޝްވާރިއާގެ އުފަންދުވަހަހާ ދިމާކޮށް އުފަންދުވަސް ފާހަގަކުރުމަށެވެ.
